» » » Yunusobod metrosining davomi 2019-yilda, Sergeli liniyasi esa 2020-yilda foydalanishga topshiriladi

Yunusobod metrosining davomi 2019-yilda, Sergeli liniyasi esa 2020-yilda foydalanishga topshiriladi

Поле названия
Yunusobod metrosining davomi 2019-yilda, Sergeli liniyasi esa 2020-yilda foydalanishga topshiriladi
Качество

 

Milliy matbuot markazida Toshkentda Sergeli va Yunusobod yo‘nalishidagi metro qurilishi, katta halqa yo‘li bo‘ylab qurilish jarayoni, bu borada qo‘llanilayotgan zamonaviy texnologiyalar, joriy yilda amalga oshirilishi ko‘zda tutilgan chora-tadbirlarga bag‘ishlangan brifing tashkil etildi, deb xabar berdi O‘zA.

 

Unda “O‘zbekiston temir yo‘llari” AK boshqaruvi raisi o‘rinbosari, “Toshkent metropoliteni” UK rahbari ma’lumot berdi.

Uzunligi 7,1 kilometr bo‘lgan Toshkent metropolitenining Sergeli liniyasini 2020-yilga qadar qurib, foydalanishga topshirilishi ko‘zda tutilgan. Sergeli metro liniyasi hozirgacha Markaziy Osiyoda qo‘llanilmagan butunlay yangicha estakada usulida bunyod etilmoqda. Mazkur liniya ko‘priksimon tarzda quriladi, poyezdlar yer ustida harakatlanadi. Ushbu yo‘nalishda 6 bekat bo‘ladi. Qiziqarli yana bir jihati, poyezdlar to‘xtash maskani, ya’ni bekatlar 4 vagondan iborat metro poyezdiga mo‘ljallab quriladi. Bekatlarda yo‘lovchilarga qulaylik yaratish maqsadida maxsus lift va eskalatorlar o‘rnatiladi.

Yunusobod liniyasining yangi bekatlari esa 2019-yilda to‘la nihoyasiga yetkazilishi ko‘zda tutilgan. Hozirda bu obyektda 100 dan ziyod malakali muhandis va ishchilar, 40 ga yaqin maxsus texnikalar jalb etilgan. Hozirgacha ushbu qurilishda kotlovanni tayyorlash va tuproqni chiqarib tashlash ishlari to‘liq yakunlangan.

Uchinchi loyiha – yer usti metro halqa yo‘li qurilishi bo‘lib, uning umumiy uzunligi 52,1 kilometrni tashkil etadi. Ushbu yo‘nalish bo‘yicha poyezdlarning o‘rtacha harakat tezligi soatiga 60 kilometrga yetadi. Halqa bo‘ylab yo‘lni bosib o‘tish vaqti 1 soat-u 10 daqiqa etib belgilangan.

Dastlabki bosqichda Toshkent metropolitenining “Do‘stlik” bekatidan Qo‘yliq bozorigacha bo‘lgan 8 bekatdan iborat qismi quriladi. Keyinchalik u “Olmazor”, “Beruniy”, “Bodomzor” hamda “Tuzel” bekatlari orqali yana “Do‘stlik” bekatiga tutashadi. Mazkur metro yo‘li Yashnobod, Uchtepa, Olmazor, Yunusobod, Chilonzor va Sergeli tumanlari hududidan o‘tadi.

Ayni paytgacha bu yerda 47,5 ming kub metr tuproq ishlari bajarildi. Rejaga ko‘ra ushbu metro liniyasida 35 bekat quriladi.

 

 

Manba:Daryo.uz

Смотреть Yunusobod metrosining davomi 2019-yilda, Sergeli liniyasi esa 2020-yilda foydalanishga topshiriladi в хорошем качестве
Скачать

Информация
Посетители, находящиеся в группе Гости, не могут оставлять комментарии к данной публикации.

© 2013-2020. Daxshat.Site - лучшие фильмы и сериалы на любой вкус.
Владелец сайта - Telegram: @DaxshatUz
Сайт находится в сети TAS-IX. Правообладателям